မြန်မာနိုင်ငံ၏ အနောက်ပိုင်းတွင် ရှိသော ရခိုင်ပြည်နယ်သည် နိုင်ငံတကာ နယ်နမိတ်အဖြစ် ဘင်္ဂလားဒေ့ရှ်နိုင်ငံနှင့် နယ်နမိတ် ထိစပ်နေပြီး၊ ပြည်တွင်း တွင် ချင်း၊ မကွေး၊ ပဲခူး၊ ဧရာဝတီတို့နှင့် နယ်နမိတ် ထိစပ်နေပါသည်။ ဤပြည်နယ်သည် စတုရန်း ကီလိုမီတာ ၃၆၇၇၈ ကျယ်ဝန်းပြီး၊ မြို့နယ် ၁၇ ခု ပါဝင်ကာ၊ စစ်တွေသည် ရခိုင်ပြည်နယ်၏ မြို့တော်ဖြစ်သည်။ ပြည်နယ် လူဦးရေမှာ ခန့်မှန်းခြေ ၃.၃၉ သန်း (2023 UNFPA Projections) ရှိပြီး၊ လူဦးရေ သိပ်သည်းမှုမှာ စတုရန်း တစ်မိုင်လျှင် ၉၂ ယောက်ရှိသည်။

ဖေဖော်ဝါရီ ၂၀၂၁ မတိုင်ခင်ကပင် ရခိုင်ပြည်နယ် တွင် လူမျိုးရေး၊ ဘာသာရေး တင်းမာမှု များ နှင့် နိုင်ငံရေး မတည်ငြိမ်မှု စသည့် အခက်အခဲများ ရှိနေခဲ့သည်။ အခြေအနေ မှာ ၂၀၁၇ ပိုဆိုး လာပြီး ရိုဟင်ဂျာ ဒုက္ခသည် ပေါင်း ၇ သိန်း မှာ နေရပ်စွန့်ခွါ ထွက်ပြေးခဲ့ရသည်။ ၂၀၂၁ နောက်ပိုင်း တွင် တခြားနေရာများ နှင့် ယှဉ်လိုက်လျှင် တည်ငြီမ် သလို ရှိသော်လည်း နိုဝင်ဘာ ၂၀၂၃ တွင် အပစ်အခတ် ရပ်စဲမှု ပျက်ခဲ့ပြီး နောက် ဆိုးလာ ခဲ့သည် (ACAPS, Nov 2024)။ တိုက်ပွဲ များ နှင့် ဆက်စပ် ပြသာနာများ ကြောင့် ပြည်တွင်း ပြည်ပ မှ ကုန်စည် စီးဆင်းမှု ကန့်သတ်သွား ပြီး ဝင်ငွေ နည်းပါးမှု၊ ငွေကြေးဖောင်းပွမှု၊ ပြည်နယ် တွင်း လယ်ယာ ထွက်ကုန် သိသိသာသာ လျော့သွားမှု များ ခံခဲ့ရသည် (UNDP, Nov 2024)။ ၂၀၂၄ နှောင်းပိုင်း ထဲက ပင် UN အဖွဲ့များ မှ ရခိုင် တွင် အစာရေစာ ဘေး ဆိုက် နိုင် ကြောင်း သတိပေးထားပြီး လူ ၂ သန်း ကျော် ခန့် ထိခိုက်နိုင်သည် (WFP, Aug 2025)။